Установа «Дзяржаўны музей гісторыі беларускай літаратуры»

Дзяржаўны музей гісторыі беларускай літаратуры — гэта буйнейшы літаратурны музей краіны. Займаецца дакументаваннем літаратурнага працэсу ў Беларусі ў шырокім гістарычным кантэксце. Размешчаны ў адным з будынкаў Траецкага прадмесця, які з’яўляецца помнікам архітэктуры XIX ст. Заснаваны 6 лістапада 1987 г., адкрыты для наведвальнікаў у 1991 г. У музеі захоўваюцца і дэманструюцца матэрыялы, якія распавядаюць пра жыццё і творчасць вядомых беларускіх пісьменнікаў. Эспануюцца шматлікія выставы, сярод якіх «Васіль Быкаў. ПІлях, вызначаны лёсам», «Апякункі паэтычных нябёсаў», «Паэт з Нарачанскага краю» і інш. Да рарытэтаў музея адносяцца рукапісныя кнігі і старадрукі XVII - XVIII стст., прыжыццёвыя выданні і асабістыя рэчы класікаў беларускай літаратуры, рукапісы твораў, кнігі з аўтографамі, экслібрысы, рэдкія адзінкі іканаграфіі, фотаматэрыялы XIX - першай паловы XX стст. Музейная калекцыя складае звыш 50 тысяч адзінак захавання. Музей рэалізуе шматлікія выставачныя і культурна-адукацыйныя праекты: «Дыяменты прыгожага пісьменства» (да 100-гадовых юбілеяў беларускіх пісьменнікаў), «Рэгіёны» (папулярызацыя літаратурна-мастацкай спад- чыны рэгіёнаў Беларусі), «У музей усёй сям’ёй», «Сквозь даль столетий... А. Мицкевич и А. Пушкин» і інш. Музей прымае ўдзел у розных міжнародных праектах, супрацоўнічае з літаратурнымі музеямі Расіі, Украіны, Літвы, Польшчы і інш.

Сёння ў склад музея ўваходзяць 9 філіялаў:

1.     Літаратурны музей Максіма Багдановіча (г.Мінск, вул. М.Багдановіча, 7а);

2.     Беларуская хатка (г.Мінск, вул. Рабкораўская, 19);

3.     Фальварак Ракуцёўшчына (Мінская вобл., Маладзечанскі р-н, в.Ракуцёўшчына).

4.     Літаратурны музей Петруся Броўкі (г.Мінск, вул. К.Маркса, 30);

5.      Хата-музей Петруся Броўкі (Віцебская вобл., Ушацкі р-н, в.Пуцілкавічы);

6.     Музей-сядзіба Францішка Багушэвіча “Кушляны” (Гродзенская вобл., Смаргонскі р-н, а.г. Кушляны);

7.     Музей-сядзіба Міцкевічаў “Завоссе” (Брэсцкая вобл., Баранавіцкі р-н, в.Завоссе);

8.     Музей-дача Васіля Быкава (Мінская вобл., Мінскі р-н, а.г. Ждановічы);

9.     Літаратурны музей Кузьмы Чорнага (Мінская вобл., Капыльскі р-н, в.Цімкавічы);



Дадатковыя крыніцы аб музеі:
Дзяржаўны музей гісторыі беларускай літаратуры. Ekskursii.by